أهمية الموقع الإلكتروني في التسويق

ازاي بإمكانيات بسيطة ومحدودة تقدر توصل بالمنتج بتاعك لأكبر عدد ممكن من العملاء؟

ازاي تقدر تنافس في سوق عالمية وتتواصل مع عملاء من بلاد كتير وانت في مكانك؟

ازاي تسوق لمشروعك وفكرتك براس مال بسيط وامكانيات محدودة وتوصل بيه لشهرة عالمية؟

كل ده يا سيدي وأكتر تقدر تعمله ببساطة عن طريق موقع إليكتروني لمشروعك أو شركتك تقدر من خلاله تعرض منتجاتك وأفكارك و تعمل تسويق إليكتروني لكل منتجاتك وعروضك بتكلفة بسيطة وتوصل بيه لعملاء كتير جدًا مكنتش تحلم توصلهم بطرق التسويق العادية!

أغلب الشركات التقليدية بتلجأ في تسويقها لمنتجاتها في انها تبعت مندوب للعملاء أو تعمل اعلان في الجرايد أو التليفيزيون أو تطبع بانر كبير تعلقه في شارع بيمر فيه عشرات أو مئات بس! ، ورغم ان تكلفة كل ده بتبقى كبيرة جدًا بالنسبة لمشروع ناشئ أو شركة صغيرة؛ إلا إنه بردو مش بيوصل لعدد كافي من الجماهير والعملاء، لكن موقعك الإلكتروني هيعفيك من كل التعب ده عن طريق التسويق الالكتروني اللي بيوصل لأكبر عدد من العملاء وبيتميز بكتير من المميزات.

• طبعًا التسويق الإلكتروني أرخص بكتير من طرق التسويق التقليدية في التليفزيون أو الجرايد، لانه بيكون عن طريق اعلانات مجانية على الانترنت أو اعلانات مدفوعة بسعر أقل بكتير جدًا من اعلانات التليفزيون أو الجرايد دا غير انها بتوصل لعملاء أكتر.
• الموقع الالكتروني هتقدر من خلاله تعرض كل منتجاتك للعملاء والزوار من غير ما تحتاج مكان كبير في شارع مشهور بتكلفة طبعًا كبيرة جدًا عشان تقدر تعرض منتجاتك للجمهور، بالعكس دا ممكن ميكونش لشركتك مقر أصلًا وتقدر من خلال موقعك تعرض كل منتجاتك وأفكارك وتوصل بيها لآلاف بل ملايين العملاء، اللي هيقدروا ببساطة يعاينوا المنتج بسهولة على الموقع ويعرفوا آراء وتقييم باقي العملاء عليه، ودا كله من خلال الخدمات اللي هتوفرها للعملاء على موقعك، زي أكيد خدمة البيع الاليكتروني.
• ومن خلال الموقع بردو هتقدر تتواصل مع العملاء بشكل مباشر وتعرف آراءهم بصورة دايمة ومستمرة وبيها تقدر تطور من نفسك ومن منتجاتك عشان ترضي كل الرغبات والأذواق.

كل المزايا دي وأكتر هيوفرهالك موقعك الإلكتروني عشان تقدر تخرج من الدايرة الصغيرة اللي فيها عدد محدود من العملاء إلى دايرة عالمية أكبر بكتير وبيدخل فيها كل يوم عملاء جدد مش بس من منطقتك أو بلدك بل من كل أنحاء العالم!

وعشان كده احنا في شركة ويبر بنقدملك موقعك بتصميم جذاب ومتوفر فيه كل احتياجاتك بسعر خاص جدا لفترة محدودة .. لو مهتم راسلنا بالتفاصيل..